Sigurbjörn Friðriksson

10.11.2008 | 21:16

Ástkæra ylhýra málið......and all that jazz........

Hundurinn Gus er dáinn. Nú kemur gamla pexið í mér eina ferðina enn. Mbl.is blaðamennirnir kunna ekki íslenskuna sína frekar en fyrri daginn.

Fólk deyr, dýr drepast.

Látið fólk eru lík, dauð dýr eru hræ. Fólk borðar (af borðum), snæðir, matast o.s.frv.

Dýr éta (úr jötu), fóðrast, bítur gras, kroppar o.s.frv.

Einu sinni sá ég frétt í Fréttablaðinu þegar það var nýbyrjað. Þar ritaði blaðamaðurinn um "karlkyns kindurnar" því hann hafði aldrei verið í sveit og heyrt um hrúta. Hvað skyldu svo karlyns beljurnar heita?

Það eru fleiri er Mbl.is blaðamenn vitleysingar.

Bless, Björn bóndi. Smile

	Ljótasti hundur í heimi dauður
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Það eru fleiri er

er þetta ekki líka vitlaust? nei bara spyr:)

joel (IP-tala skráð) 10.11.2008 kl. 21:43

Stundum tölum við svona um dýr sem eru okkur kær. Það eru engin málspjöll. Aldrei myndi ég segja að hann Mali minn hefði drepist heldur einmitt að hann hefði dáið. En sál hans er samt ódauðleg!

Sigurður Þór Guðjónsson, 10.11.2008 kl. 22:10

Mér finnst það vera hálfgerð óvirðing við dýr sem eru einhverjum kær (eins og gæludýr) að segja að þau drepist. Aldrei myndi ég segja að besti vinur minn hafi drepist.

Gunnhildur (IP-tala skráð) 10.11.2008 kl. 22:53

Jæja, þá eru þeir búnir að bæta úr blessaðir og breyta fyrirsögninni. Nú er hann Gus "heitinn" hættur að vera "látinn" eða "andaður" og er einfaldlega dauður.

Svo lengi lærir sem lifir. Batnandi mönnum er best að lifa. Er alveg víst að Gus hafi ekki verið "kven hundur" og heitið Gussa??

Sigurður Þór; Fékk hann Mali þinn aldrei að éta hjá þér? Borðaði hann bara eins og fínn maður?

Kveðja, Björn bóndi.

Sigurbjörn Friðriksson, 10.11.2008 kl. 23:09

Þessi asnalega íslenska málvenja sýnir ekkert nema gamaldags hroka gagnvart dýrum og 19. aldar hugmyndir um yfirburði mannsins. Við erum ekkert annað en dýr.

Anna (IP-tala skráð) 10.11.2008 kl. 23:54

Anna; Erum við þá bara rasista og nazista pakk. Á þá að loka sláturhúsum, eða bara slátra fólki til jafns við dýr? Hætta að borða kjöt og fisk? Borða hvað þá? Grænmeti? Erum við þá ekki að sýna plöntunum hroka og 19. aldar hugmyndir um yfirburði tvífætlinga og fjórfætlinga??

Þú ruglar svo, að halda mætti að þú værir Femínisti og/eða UngliðaVinstriGræn. Ert þú nokkuð svoleiðis?

Kveðja, Björn bóndi

Sigurbjörn Friðriksson, 11.11.2008 kl. 00:19

Björn bóndi, nú erum við að tala saman. Það er gaman að þessum málfarsskussum á mbl.is sem skrifa bull og þvælu eins og þeim sé borgað fyrir það. Svo leiðrétta þeir bullið eftir ábendingar þannig að ábendingarnar líta út fyrir að vera út í "Hróa Hött". Það er eins og enginn sem þarna vinni hafi náð fermingaraldri eða þroska sem þeim aldri nemur.

Skemmtileg fyrirsögn var fyrir tveim til þrem dögum á Mbl.is; Styðja illa Íslendinga hjá IMF , þetta átti víst að merkja "að takmarkaður stuðningur væri við Íslendinga hjá IMF" en segir samkvæmt orðana hljóðan að "einhverjir styðji reiða eða illa Íslendinga hjá IMF". Talsverður munur að ég ætla.

Axel Jóhann Hallgrímsson, 11.11.2008 kl. 04:28

Mali borðar alltaf með mér við sama borð og er aldeilis fínn köttur. Ekki mun hann andast af ófeiti! Og að honum látnum mun ég líklega fljótt drepast af sorg!

Sigurður Þór Guðjónsson, 11.11.2008 kl. 11:13

Sigurður Þór; En drepist þú á undan Malla, megi hann eiga hægt andlát eða bíða bana vegna mannskæðrar kransæðastíflu útaf offitu og dekri.

Kv., Björn bóndi.

Sigurbjörn Friðriksson, 11.11.2008 kl. 18:19

Nú lá við að ég dræpist úr hlátri. En ég verð líkast til að éta það oní mig vegna þess að mörgum til angurs og ófétis er ég alveg bráðlifandi andskoti ennþá og sér ekki fyrir endann á þeim ósið. En ég er auðvitað alfarið á bandi bóndans. Dýr drepast. Og éta. Éta reyndar lítið dauð svo ég ætti að snúa þessu við. Dýr éta. Og drepast. Vildi stundum að minn fyrrverandi myndi taka sér dýrin til fyrirmyndar...