Það þvælist ekki fyrir samkiptum ESB og Breta að þeir myrða múslima...!?

Að hlusta á þennan þvætting í Náttúruverndarsinnum að reyna sífellt að koma í veg fyrir eðlilega þróun í atvinnulífi Íslendinga svo sem virkjanir, svo og t.d., hvalveiðum sem er hluti af menningu okkar Íslendinga að nýta sjávarafurðir á sem eðlilegastan hátt.

Kkv, Björn bóndi.

ESB: Hvalveiðar þvælast fyrir

Athugasemdir

[Halldór Halldórsson (IP-tala skráð) 10.7.2008 kl. 13:17]

Hvalveiðar íslendinga hafa ekkert með þróun í atvinnulífi að gera heldur snúast aðeins um hagsmuni eins manns sem heitir Kristján Loftsson. Hann fer reglulega með hendina í vasann og klappar sjávarútvegsráðherra á kollinn. Það fáránlega í málinu er að Kristján hefur ekkert út úr þessu heldur virðist það vera þrjóskan ein sem rekur hann áfram.

Það vill svo til að sjávarútvegsráðherra er líka landbúnaðarráðherra og þar stendur hann í stórræðum til verndunar á dýrastofnum. Þar er dælt þúsundum milljóna úr sjóðum almennings til verndar stofnum sem eru ekki í útrýmingarhættu, en ættu svo sannarlega að vera það. Þetta er búfjárstofn bænda í landinu. 

Það er ekki  eðlileg atvinnuþróun í landinu að það sé til staðar atvinnugrein sem er löngu hrunin en bara haldið lifandi með framlagi almennings til þess að einhverjir geti hokrað á býlunum sem foreldrar þeirra hokruðu á.

[Ingólfur (IP-tala skráð) 10.7.2008 kl. 13:45]

Ein spurning Halldór, er hvalastofninn í útrýmingarhættu? Ég held þú ættir að hætta að tala um einhvað sem þú veist greinilega ekkert um....

[Magnús (IP-tala skráð) 10.7.2008 kl. 14:01]

Ingólfur, Halldór segir hvergi í sinni athugasemd að hvalir séu í útrýmingarhættu.

[Sigurbjörn Friðriksson, 10.7.2008 kl. 14:52]

Magnús.  Það er vonandi að náttúruverndarsinnar sem starfa með þeim hætti sem gert er núna, fari að verða í útrýmingarhættu.  Þá væri upplagt að setja Árna nokkurn Finnsson í Formalín og hafa hann einhverstaðar bakvið á Þjóðmynjasafni Íslands.

Kveðja, Björn bóndi.

[Halldór Halldórsson (IP-tala skráð) 10.7.2008 kl. 14:59]

Mér er fullkunnugt um að hvalir eru alls ekk í útrýmngarhættu enda kemur það hvergi fram að ég haldi það. Ég er í sjálfu sér ekki andsnúinn hvalveiðum ef þær hefðu einhvern tilgang annan en að þjóna hagsmunum eins aðila.

Hvalveiðar eru í raun ríkisstyrktar að auki þar sem tugum ef ekki hundruðum milljóna er varið í að verja þær á opinberum vettvangi og því lítil eðlileg atvinnuþróun þar á ferðinni.

[Magnús (IP-tala skráð) 10.7.2008 kl. 15:04]

Björn bóndi. Það er spurning hvort þú ættir ekki að taka þér múhameðstrúarmenn og búddistana sem þú þekkir til fyrirmyndar í umburðarlyndinu. Hvers á Árni að gjalda?

Einu sinni stóð til að virkja Gullfoss. Einu sinni átti að rífa Bernhöftstorfuhúsinu og reisa þar gler- og steypuferlíki.

Málið er ekki svart og hvítt, annað hvort að virkja eða vera náttúruverndarsinni.

Með bændurna finnst mér athugandi að hætta með verndartollana en greiða bændunum í staðinn árangurstengd laun.

[Fannar frá Rifi, 10.7.2008 kl. 15:09]

hvað er að hvalveiðum?

Eru veiðar á hvölum og síðan slátrun á einhvern hátt öðruvísi heldur en veiðar og slátrun á Hreindýrum? 

Er slátrun á hvölum eitthvað verri en slátrun á nautgripum? 

Þrátt fyrir dómsdagsspár þá selst allt hvalkjöt. það er eftirspurn eftir því. Hvalkjöt er núna einungis á boðstólnum í kringum sumarmánuðina. Birðirnar af því sem veitt er endast ekki fram að jólum. 

ofan á það þá hafa aldrei fleyri komið sem ferðamenn til landsins, farið að skoða hvali og skellt síðan í sig einni hrefnusteik hjá Sægreifanum.

Hvalveiðar eru á engan hátt styrktar af ríkinu. Ef þær geta ekki rekið sig sjálfar, þá fara hvalveiðifyrirtækin á hausinn. Við það þá leggjast veiðar af. Málið er ekki flóknara en það. En kannski að hvalfriðunarsinnar geri sér grein fyrir því að þær eru að veiðarnar séu að borga sig og þess vegna eru þeir svona paranojaðir. 

Ég skal vera fyrstur til þess að ræða um að hætta hvalveiðum ef ESB og USA hætta framleiðslu á vopnum. 

[Sigurbjörn Friðriksson, 10.7.2008 kl. 15:09]

Halldór.  Þetta er nú bara öfund og illkvittni að agnúast út í einn mann sem rekur Hval hf, þegar margir aðilar eru að veiða hval.  Sjálfur borða ég hvalkjöt og finnst það gott.  Ég aldist upp við hvalkjötsát, því þá var hvalkjöt snöggtum ódýrara en annað kjöt og því voru það búsdrýgindi að nota hvalkjöt.  Þannig komumst við að því, að þó það væri ódýrara en annað kjöt, þá var það síst verra og í mörgum tilfellum betra.  T.d., í gúllas með brúnni sósu og kartöflustöppu.

Svo tala ég nú ekki um súra hvalinn, þ.e., spikið og rengið, sem svo oft voru á borðum og ég sem barn og unglingur var sífellt sólginn í þetta.  Núna er þetta rándýrt og illfáanlegt því miður, en það er ekki margur matur sem fer betur í maga, en súrt hvalspik og rengi.  (Nú er ég farinn að fá vatn í munninn, og ætla að hætta).

Kk, Björn bóndi.

´

[Sigurbjörn Friðriksson, 10.7.2008 kl. 15:27]

Fannar frá Rifi.  Þú ert minn maður!  Ég sæi ESB og BNA hætta vopnaframleiðslu. Ha!

 Magnús.  Enn þann dag í dag tel ég að Bernhöftstorfan sé ljót og það hefði aldrei átt að eyða peningum í að endurbyggja þau fúaskrifli sem þar eru.  Nú eru þú og þínir líkar að fá nýjan draum að rætast, Laugavegur 4 & 6 eru bárujárnsskifli, handónýtt sem á að endurbyggja, öllum nema ykkur hvaðþiðnúheitiðaftur, til óþurftar.  Talið að mundi kosta milli 600 til 800.000.000 (segi og skrifa; sex til áttahundruð milljónir þegar upp er staðið).  Það hefði verið vænni kostur að taka þessa peninga og Bernharðstorfunnar og byggja einhversstaðar á góðum stað "gler- og steypuferlíki" eins og þú kallar það, undir BUGL (Barna- og unglingageðdeildina) sem hefur verið í fjársvelti í mörg ár.  Þar leysast málin af sjálfu sér, sjúklingarnir verða fullorðnir og lenda annað hvort á götunni, í fangelsi, á geðveikrahæli eða þeir fáu sem eru heppnir fá "vinnu við sitt hæfi".  Skammastu þín svo.

Kkv, Björn bóndi.

´

[Helga Guðrún Eiríksdóttir, 11.7.2008 kl. 12:44]

-Myrða Bretar múslima? Hélt að það væri nú á hinn veginn.

[Sigurbjörn Friðriksson, 11.7.2008 kl. 20:08]

"Myrða Bretar múslima?"  Þeir eru að því aðallega með innrásinni inn í Írak og svo eitthvað smávegis í Afganistan, og svo í framhaldi af því, en þeir segja að það sé nú allt í sjálfsvörn, þeir í Írak og Afganistan eru allir múslimarnir þar eru orðnir "uppreisnarmenn" og því réttdræpir.  Þá heitir það hvorki "fjöldamorð" né "útrýming", heldur "hernaðaraðgerðir".  Ef heimamenn drepa Breta eða Bandaríkjamenn, þá er það morð.  - Sorry.

Helga Guðrún - hvar hefur þú eiginlega verið?

Kveðja, Björn bóndi.