Sigurbjörn Friðriksson

24.8.2008 | 16:41

Nixon opnaði leiðina til Kína!! Ólympíuleikarnir opnuðu leiðina ennþá meir!!

Sá umdeildi forseti BNA sem því miður hrökklaðist frá völdum vegna smá lygi (lied to the public), þótt hann hafi logið miklu minna en Georg W. Bush gerði á fyrstu tveim mánuðunum í valdatíð sinni.

Þessi annars ágæti forseti BNA opnaði leiðina til Kína, "vingaðist" við Mao Tse Tung og aðra valdamenn kommúníska Kína. Hann hafði þá víðsýni og framtíðarsýn, að það er ekki hægt að semja við andstæðinginn nema að þeir tali saman. Íþróttir og menning eru góður grundvöllur til að auka samskipti, skilning og mögulega vináttu. Núna er hægt að tala um fyrir Kínverjum meir og betur en nokkru sinni fyrr. Ástæðan er einfaldlega að þeir eru ekki einangraðir eins og fyrr. Þetta stórveldi sem fer sístækkandi örum skrefum og vald þeirra á viðskiptasviðinu er orðið mikið en verður alltaf meira og meira hröðum skrefum. Þá er betra að hafa þá okkar megin en ekki.

Ég er ekki á nokkurn hátt að réttlæta meðferð Kínverja á Tíbet og íbúum þess. Ég held að nú sé meiri möguleiki á að tala um fyrir Kínverjum varðandi Tíbet og önnur af þeir 55 til 60 "ríkjum" sem tala eigin tungumál og eru undir hæl kommúnismans í svokallaðri "sameinuðu Kína". Að ógleymdri Taiwan (Formósu). sem er sjálfstætt ríki en Kínverjar hafa hótað að ráðast á "einhverntímann".

Kær kveðja, Björn bóndiïJð<