Sagan endurtekur sig - Munið HAFSKIPSMÁLIÐ!!

Þetta minnir mig óneitanlega á upphaf Hafskipsmálsins þegar forstjórar Hafskipa, Björgólfur Guðmundsson og Ragnar Kjartansson voru sóttir heim til sín og handteknir og settir í járn fyrir allar aldir, þ.e.a.s., um kl 05:00 að morgni.  Og hverjir voru mættir ásamt lögreglunni? nema; blaðamenn og ljósmyndarar Morgunblaðsins (þáverandi ritstjóri Matthías Johannessen faðir núverandi Ríkislögreglustjóra) og fréttamenn og myndbandstökumenn RÚV (Ríkissjónvarpsins).  Fréttamenn og myndatökumenn annarra fjölmiðla voru ekki boðaðir á þennan "einkafund" Lögreglu, MBL og RÚV. 

Forstjórar Hafskipa þeir Björgólfur og Ragnar voru leiddir út í lögreglubíla fyrir framan ljósmyndar og kmikmyndatökumenn og niðurlægingin var algjör.  Þessar fréttir með myndum komu svo í kvöldfréttum RÚV þá um kvöldið og Morgunblaðinu daginn eftir með myndum og ýtarlegum frásögnum.  Stuttu síðar skipti "KOLKRABBINN" (Eimskip, þáv., formaður Halldór Jónsson, kallaður formaður Íslands og fleiri) eignum Hafskipa sín á milli.  Hafskip hafði verið óþægilegur ljár í þúfu Kolkrabbans, flokkseigendur Sjálfstæðisflokksins.

Síðar kom í ljós eftir langvarandi málaferli að óþarfi hefði verið að gera Hafskip gjaldþrota, því félagið átti fyrir skuldum. 

BAUGSMÁLIÐ er bara endurtekning á því sem hefur áður gerst.  Þessir menn hjá Ríkisstjórn Íslands þegar Sjálfstæðisflokkurinn er í forsæti, Morgunblaðinu hvort sem það voru Matthías Johannessen eða Styrmir Gunnarsson sem ritstjórar og RÚV vilja ekki og geta ekki lært af þessu, því þeir eru blindaðir af valdhroka.

Kær kveðja, Björn bóndi.

Ríkislögreglustjóri segir DV fara með ósannindi

Athugasemdir

[Stone the keeper (IP-tala skráð) 9.5.2008 kl. 17:40]

Sammála að hluta. Allir landmenn muna eftir framgöngu Ingva Hrafns og RÚV í þessu máli. En mig rekur ekki minni til þess að Mogginn hafi verið þarna og birt myndir. Bar þetta einmitt undir góðan vin minn sem tengdist þessu máli og hann sagði að Mogginn hafi ekki birt myndir, bara Ingvi Hrafn.

[Sigurbjörn Friðriksson, 10.5.2008 kl. 01:01]

Má velvera að mig misminni, eða að ég hafi þetta eftir öðrum sem hafði rangt fyrir sér.  Ég viðurkenni mistök mín hafi ég gert þau.

Kveðja, Björn bóndi.