Látið þetta ganga..............Pls.

Hjálp bloggvinir / Ert þú til í að birta þetta á þinni síðu? Elísabet Sigmarsdóttir er fædd með sjaldgæfan sjúkdóm sem kallast Encephalocele. Hún er sú eina á landinu sem hefur lifað hann af hingað til. Afleiðingar hans eru ýmsar. Henni fer stöðugt aftur og er í dag í hjólastól. Elísabet er búin að fara í u.þ.b. 60 aðgerðir. Oft var henni ekki hugað líf en er í dag lífsglöð og bjartsýn ung kona þrátt fyrir alla þá þröskulda sem lífið hefur sett henni. Elísabet leitar nú eftir stuðningsmanneskju eða liðsveislu, eins og það er kallað. Liðsmaður er hugsaður sem félagslegur stuðningur og er um 16 tíma á mánuði að ræða. Er það samkomulagsatriði á milli Elísabetar og þess sem stuðninginn veitir hvernig þessum tíma er varðveitt og hvenær. Það er í raun Reykjavíkurborg sem á að útvega stuðningsmanneskju en þeim hefur ekki tekist það og hefur Elísabet verið án þessarar þjónustu í 7 mánuði. Engin vilji er þar á bæ til að ganga lengra til að bjarga málunum. Þetta fellur ekki undir forgangsröð borgaryfirvalda. Það vitum við öll. Þetta skiptir hinsvegar öllu máli fyrir tilveru Elísabetar Sigmarsdóttur. Viðkomandi hlýtur laun fyrir en samt óskum við eftir manneskju sem hefur áhuga á því að láta gott af sér leiða og gefa nærveru sína og félagsskap til þessarar fallegur og hugrökku vinkonu minnar. Ef þú hefur tök á því og tíma, gerðu þá góðverk. Ef þú hefur verið að hugsa í mörg ár að þú ættir kannski að gefa eitthvað til baka þá er núna tækifærið. Síminn hjá Elísabetu er: 587 - 6278 og netfangið: [e-mail] eða þú getur sent mér (Halla Rut) E-mail: [e-mail] ef þú vilt frekari upplýsingar. Ég hér bið ykkur öll um að birta þetta á ykkar síðu sem færslu ef þið sjáið ykkur það fært. Og svo er bara líka "nice" að senda henni kveðju: Elísabet. Með samhug og kærleik Halla Rut

Mútur til að Palestínumenn kjósi Hamas ekki aftur.....??

"Hér eru 30 milljón pund og ef þið kjósið rétt næst, þá fáið þið kannski meir seinna!!!....ef Ísraelsmenn samþykkja....!?

Kv, Björn bóndi   L

Auka fjárframlög til Palestínu

Íranir verða leggja þennan viðbjóð af.

Svona líflátsdómar verða eingöngu til þess að auka óvild í garð Írana og því um leið allra múhameðstrúarmanna, því fréttaskýrendur eru svo gjarnir á að alhæfa eitt um alla.

Þeir verða því að leggja svona viðbjóð af.

Kveðja, Björn bóndi  L

Níu manns bíða þess að vera grýtt til bana

Heyrúllubaggar skemmast ef skotið er á þá.

Það gætiu orðið mikil fjárútlát að greiða bændum fyrir allar heyrúllurnar sem skotglaðar "sérsveitir" þurfa að borga fyrir eyðilagða rúlluheybakka, þesssa í hvíta plastinu, ef ekki verður hætt að kalla út Landhelgisgæsluna og skotsveitir þeirra.

Kveðja, Björn bóndi  J

Ísbirnir á Hornströndum?

Ástkæra ylhýra málið.........

Eggjahvíðuefni heitir núna á máli hámenntaðra háskólagenginna vísindamanna svo og blaðamanna Morgunblaðsins sem eru að reyna að fóta sig í Íslenskunni okkar,´"ástkæra ylhýra málinu" = "PRÓTEIN".  Það er tekið úr latínu upphaflega og þá ensku og mörgum öðrum tungumálum.  Á gömlu góðu þýskunni sem ég lærði í Versló snemma á síðustu öld hét þetta Eiweißstoff. 

Ég er svo fróðleiksfús og langar til að læra svo margt, en ég kann ekki svo ýkjamörg tungumál og síst af öllu Morgunblaðs-blaðamanna- og Háskólamenntaðra-vísindamanna- "íslensk/latínu".  Er möguleiki að hægt væri að fá þessa fréttagrein um stórkostlegt fæðubótarefni þýdda yfir á "mannamáls-íslensku"?

Kær kveðja, Björn bóndi  J

Fæðubótarefni úr fiskislógi