Ef þú vilt ekki ræða við andstæðinginn, kemstu ekki að samkomulagi.

Nú vilja vestræn ríki ekki ræða við þennan andstæðing/óvin sinn.  Það er á þeirri forsendu að andstæðingurinn er svo vondur.  Hvernig á að vera hægt að komast að einhverju samkomulagi, friðarsamningum o.s.frv., ef við viljum ekki hlusta á andstæðinginn.

Hvað er búið að myrða marga í Afganistan, Írak, Guantanamó o.s.frv., í leit að þessum eina manni, Osama bin Landen?  Hver er orðinn hinn versti óvinur?  Jú, það eru BNA og þau versna með hverjum deginum.  60 börn myrt í síðustu viku, og 15 konur og 15 karlar í loftárás í Afganistan.  Og BNA menn þrættu fyrir það í byrjun.  Reyndu að klóra yfir skítinn.  Það drápust undir 3.000 manns í árásunum á tvíburaturnana, þar af engin börn.  Hefndarárásir BNA manna hafa kostað hátt í milljón manns, þar af konur og börn lífið í mið-austurlöndum!!

Ég er ekki að bera í bætifláka fyrir einn né neinn, en mér sýnist sem að BNA, Talíbanar og al-Kaída séu í keppni um "að hinir séu verri en þeir sjálfir".  Samlíking: "Róninn sem getur bent á annan sem drekkur meir en hann sjálfur, réttlætir fyrir honum að hann geti haldið áfram drykkju sjálfur.

Hver er boðskapur þeirra sem boða frið?  Jú, það að tala saman.  Orð eru til allra hluta fyrst!  Ekki veit Georg W. Bush það, né hans hyski.  Þeir vilja einfaldlega ekki hætta stríðsrekstri og núna eru Rússar farnir að feta í kjölfarið í Kákasíulöndum.  Tsjetsjeníu, Georgíu (Grúsíu), Odessíu o.fl., o.fl.

Svo eru vesturlönd að skammast út í Kína stjórn fyrir að vilja ekki tala við Tíbeta og Taiwana!!  Maður líttu þér nær!

Kveðja, Björn bóndi   LMN=  

Norðmenn vilja ekki ræða við bin Laden