Sigurbjörn Friðriksson

22.7.2008 | 18:20

Góð íslenska um læknisfræðilegt efni - eiga heiður skilið.

Nú er tími að linni, bæði gagnrýni og skömmum um smá stund á aumingjans blaðamenn Mbl.is vegna aulalegrar íslensku. Hér er merkileg grein um stórkostlega læknisfræðilega uppgötvun, á mjög góðri og frambærilegri íslensku á virkilega góðu mannamáli (miðað við Mbl.is).

Batnandi (blaða-) mönnum er best að lifa! Gott framlag.

Kær kveðja, Björn bóndi J

	Lyf við krabbameini í blöðruhálskirtli
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Rétt er það. Verst bara að þetta er sama frétt og var í síðustu viku. Ef þú leitar í eldri læknisfréttum á mbl.is.

Hermann Hrafn (IP-tala skráð) 22.7.2008 kl. 20:06

Rusl-blaðamennska er til skammar hvort sem hún er skrifuð á góðri íslensku eða ekki. Blaðamaðurinn þvælir um hluti sem hann hefur ekkert vit á þó að nóg sé til af heimildum þar sem ekkert fer á milli mála. Maður verður bara að taka sér aðeins tíma í að lesa og svo að passa sig að fara rétt með. Verra er þó að hér er í algjöru ábirgðarleysi gerð æsifrétt sem til þess er fallin að vekja sterkar væntigjar margra sem eru bókstaflega að berjast fyrir lífi sínu. Þess frétt, sem ekki getur heimilda, ýkir stórfelldlega það sem ég hef lesið frá fagmönnum um málið. Rétt er að þetta er ný, athyglisverð og spennandi kenning um það hvernig krabbameinið verður óháð kynhormónum frá öðrum líffærum. Auðvitað gerum við okkur vonir um að þetta leiði til betri lyfjameðferða. Það sem birt hefur verið af rannsóknum á byrjunarstigi er hinsvegar ekki til þess fallið að meta hversu góðrar og langvarandi lækningar fyrir hvaða sjúklinga hópa má vænta. Það er einfaldlega ótímabært að spá fyrir um hvort þetta er bylting, fyrsta skref í löngum þróunarferli eða villigata.

Jón Fannberg (IP-tala skráð) 22.7.2008 kl. 22:20

Hér er fjallað um starfsmann sem vinnur hjá deCode og notaði próf sem þeir eru að selja á netinu til að sjá líkur sínar á ýmsum sjúkdómum. Hann sá að hann var með 30% líkur á að fá krabbamein í blöðruhálskirtil og fór því í blóðrannsókn og síðan nákvæma skoðun. Þar kom í ljós að hann var þegar kominn með illvíga útgáfu af krabbameini í blöðruhálskirtilinn og fór strax í meðferð. Hann hafði samt ekki kennt sér neins meins og ekki gott að segja hvenær krabbameinið hefði fundist ef hann hefði ekki haft þessar upplýsingar um sig.

Persónulega finnst mér þetta snilld og dauðlangar að láta gera svona erfðapróf á mér. Verst að það kostar tæpa 1000 dollara, en eftir að hafa lesið þetta þá virðist það ekki svo mikill peningur