Oscar Pistorius er "full frískur".

Í fréttinni er skrifað:  "Munaði minnstu að hann væri meðal keppenda á Ólympíuleikunum sjálfum meðal full frískra í Peking á síðasta ári."

Enn einu sinni kemur þessi hvimleiði misskilningur fjölmiðamanns um að fötlun sé sama og sjúkdómur.  Þó það vanti fingur á vinstri eða hægri hendimanns, þá er hann ekki veikur.  Þó hann vanti báða fæturna, þá er hann ekki sjúklingur, sérstaklega ef hann er kominn á stjá og farinn að keppa á Ólympíuleikunum. Bara rétt eftir slys, meðan verið er að ná sér.

Ég veit að þetta fer óskaplega fyrir brjóstið á þeim mörgu fötluðu sem lifa ákaflega heilbrigðu og góðu lífi með fötlun sinni sem getur verið allavegana.  Hinsvegar veit ég fyllilega hvað blaðamaðurinn hefur átt við, en því miður komst hann "[e-mail]" ekki betur að orði, en svona er það þegar menn vanda sig ekki með fréttaskrifin.  Thorkell:  Fötlun er ekki sjúkdómur. Sýndu nú fötluðum skilning ásamt stuðningi og biddu þá afsökunar. 

Annars tel ég það að vera fjölmiðlamaður sama og hafa sjúkdóm.  Það er, að miðla neikvæðum og slæmum fréttum til almennings, nánast eingöngu.  Það hlýtur að vera einhver geðveiki í því.

Kær kveðja, Björn bóndi  

 

Hlaupagarpurinn Oscar Pistorius ætti að ná sér að fullu eftir bátsslys

Athugasemdir

[Gummi (IP-tala skráð) 23.2.2009 kl. 12:05]

Er þetta ekki full mikil viðkvæmni?

[Jónas Egilsson, 23.2.2009 kl. 12:06]

Skv. mælingum sem gerðar voru á búnaði Oscars þá hafði hann um 30% forgjöf á aðra hlaupara í sambærilegu formi og úthaldi. Búnaðurinn gerði honum s.s. léttara að hlaupa en ella. Hann var því ekki fullfrískur í samanburði við þá sem hlupu á sama tíma og hann og hann var heldur ekki með árangur sem dugði til að komast inn á Ólympíuleikana.

Óneitanlega eru afrek hans hvatning fyrir marga aðra og sýnir vel hvað hægt er að gera með góðri hugsun og tækni. Því ber að fagna, en hann þarf að bæta sig talsvert til að vera gjaldgengur meðal bestu í heiminum í sinni grein.

[Guðmundur Rúnar Guðmundsson, 23.2.2009 kl. 16:49]

leiðréttið mig ef ég fer með fleipur, en það að vera full frískur ber það ekki með sér að viðkomandi sé heldur meir en frískur, þ.e.a.s. of frískur?... sbr. þegar sagt er um einhvern að hann hafi tekið full hátíðlega til orða, eða að eitthvað sé nú orðið full gott?

[Jónas Egilsson, 23.2.2009 kl. 19:38]

Málið fullrætt

[Sigurbjörn Friðriksson, 24.2.2009 kl. 01:26]

Þakka Jónas, sammála!

Kveðjur, Björn bóndi  

[Embla Ágústsdóttir, 24.2.2009 kl. 08:39]

Takk fyrir þetta blogg Björn. Skrif sem þessi í fjölmiðlum eru ekki óalgeng og virðast fréttamenn vera þess fullvissir að fatlaðir séu fangar í eigin líkama. Varðandi þá spurningu hvort þessi umræða sé óþörf og bara einhver smámunasemi tel ég að svo sé ekki. Auðvitað skiptir þetta máli. Þegar við tölum um ófatlaða einstaklinga sem full fríska og heilbrigða erum við á sama tíma að  gefa það til kynna að fatlaður einstaklingur sé óheilbrigður og ekki frískur. Í þessari tilteknu frétt er verið að fjalla um heimsfrægan afreksíþróttamann og auðvitað er það algjör vanvirðing við hann og hans afrek að líta svo á að maðurinn sé ekki full frískur!

- Embla 

[Sigurbjörn Friðriksson, 24.2.2009 kl. 16:06]

Embla;  Já, og svo eru Ólympíuleikar fatlaðra, ætla þessir fjölmiðlamenn að gera nafnbreytingu og kalla þá "Ólympíuleika sjúklinga"? 

Það er merkilegt sem ég hef tekið eftir, nú í kreppunni.  Hlutfallslega eru fleiri fatlaðir sem eiga bros en þessi ófötluðu.  Þeir fötluðu hafa þjálfun í að brosa í gegnum erfiðleikana og tárin en við þessi "fullfrísku".  Allavega væla fjölmiðlamenn hæst, aumingjarnir. 

Kveðjur, Björn bóndi